बिकाय गए भगवान(अवधी कविता)

समाज कहय जिनका दलित उनके जाति कुम्हार।
माटी तोड़ी मरोड़ी कय बनावत जग कय पालनहार।।
लरिके बिटिए अउर मेहरूवा पालत घर परिवार।
वाह जमाना भगवान का आज सब बेचेक हय तयार।।
माटी कय मनाई इक पुतली रोज बनावत हय भगवान।
भगवान बनाय घाम मा सुखाय सजावत हय दुकान।।
जग काय स्वामी देखो आज दुकान दुकान बिकात हय।
पैसा दाई कय भगवान का खरीद घर लाई जात हय ।।
दुनिया बनावे वाले कय मनाई मोल तोल आज करत हय।
बेची भगवान का माटीक मोल जेब आपन भरत हय।।
भगवान से पियारा कोई नई जगमा जो खुदई बिकात है।
कागज अउर माटी कय भगवान चाहे जो लाई जात हय।।
लकड़िक पिडही अउर देवाल मा भगवान सजावत हय।
मंदिर ताख अउर घर मा मूर्ति फोटो लगावत हय।।
भक्त प्रेमी माटिक भगवान कय करत हय सम्मान।
देखो आज बिकाय गए भगवान।।