आगे बढिगा ढेरि जबाना
अंगुरी आजी बाबक् छूट
अम्मा बप्पक कहेम चलत हैं
कहां बताओ बिटिया पूत
अंगरेजी कै यहै पढाई
परमपरा का लइगै लूट
निरहेक् बिटिया इ करतूत
अपनेन बूते मंगलसूत
अपनेन् बूते………..
अस नरमी कानून कै बाटै
जे कुछु कहयि ते जेलिउ काटै
डरत डरत तौ तनिका डांटै
कहि डारयिं कब काव सपाटै
पेटि काटि कै फीस चूकावौ
पी पी रहउ खून कै घूंट
अपनेन् बूते मंगलसूत
अपनेन बूते………………
खान दान कै इज्जत गुवडैं
घर परुवार छिनैं मा छुवडैं
छुवट बड़ा न तनिकौ जुवरैं
जानैं कहां जाय मुंह बुवरैं
कनियम् लयि लयि सपन सजावो
अवधी जाय छिनैं मा टूट
निरहेक् बिटिया इ करतूत
अपनेन बूते मंगलसूत
अपनेन बूते…………….
देखे जाने की संख्या : 305