चलो कोई सिप सीखा जाय(अवधी कविता)

गुजर बसर से उप्पर उठी कय चलो कोई सिखा जाय।
हाथेस अपने चलो आज अपन मुकद्दर लिखा जाय।।
बुद्धि संघेंन विवेक मिला उप्पर से स्वस्थ्य देंही दिहीन भगवान।
करई मेहनत बुद्धि लगाई कय मनाई वहय आज धनवान।।
काल्ही बिति गा काल्ही ना आई सब कुछ बस हय आज।
अपन मुकद्दर खुद जो लिखत समझो ऊ हय सरताज।।
सिप बिना कऊनो काम ना होय जग मा सिप बडा महान।
सिप सिखी कय लाखों कमात देखो दुनियम आज इंसान।।
हाथेक लकीरन कय भरोसम ना बैठेव हाथेस करेव कुछ काम।
कामय तुम्हार मुकद्दर हय दुनियम होई जाई नाम।।
सब कुछ संभव हय दुनियम जो तुम धाई लेव ध्यान।
करो मेहनत लक्ष्य पर डाटी कय होई जाई कल्यान।।
भगवान भरोसे बैठ रहिहो जो भूंखन मरि जाई पेट।
खुदई जोति कय बिया ना बोईहो तो बांझ रहि जाई खेत।।
सिप जिकई साथी हय जग मा सुखी ऊकई परिवार।
भाग्य भरोसे बईठे हय जो जीवन उनके हय लाचार।।
चोरी चोर ना कई सकय सिप जाऊ जहां हुंवा साथ।
सिखत सिप पैसा कमात सुख से रहत अउर खात।।
नौकरी किहा नौकर रहेंन चलो अब सिप सिखा जाय।
चलो अपने काम कय बल अपन मुकद्दर लिखा जाय।।